Trajneri i Luganos flet për lëndimin e futbollistit shqiptar

Së fundmi, trajneri i Luganos, Mattia Croci-Torti, ka folur për lëndimin e mbrojtësit Albian Hajdari, përcjell albinfo.ch.

Hajdari të dielën u zëvendësua pas pjesës së parë në barazimin e Luganos ndaj St. Gallenit me rezultatin 1:1.

“Gjatë javës së kaluar ai më bindi se mund të luante, por diçka nuk shkoi mirë”, ka thënë trajneri i Luganos në intervistën e gjatë për faqen e klubit zviceran.

Hajdari 21-vjeçar, vlerësohet prej mbrojtësve më të mirë në kampionatin zviceran të futbollit. Ai për Luganon ka luajtur 35 ndeshje gjatë këtij edicioni, ndërsa ka shënuar dy gola.

Me Luganon ka kontratë deri në vitin 2028. Gjasat janë të mëdha që Hajdari të largohet gjatë verës. Bayer Leverkuseni është prej klubeve të interesuara për mbrojtësin e Zvicrës.