Amir Rrahmani afër titullit të dytë në Itali

Kapiteni i Kosovës mund të korrë një tjetër sukses të madh në Itali

Napoli po shkon drejt titullit në Serie A. Pas fitores së fundit ndaj Torinos, 2:0, skuadra napolitane ka tre pikë më shumë se Interi i dytë, shkruan albinfo.ch.

Deri në përfundim të Serie A kanë mbetur katër xhiro. Nëse Napoli fiton tre ndeshje dhe barazon në një takim tjetër, do të sigurojë titullin e dytë brenda tri vjetësh.

Pjesë e rëndësishme është edhe kapiteni i Kosovës, Amir Rrahmani. Ai është shtyllë e mbrojtjes, duke qenë titullar i padiskutueshëm.

---