Shaqiri, me notën më të lartë në Zvicër

Kapiteni i Baselit vlerësohet me notën 8.0, ndërsa asnjë lojtar nuk ka arritur ta rivalizojë

Xherdan Shaqiri e mbylli këtë edicion me Baselin si kampion në Superligën e Zvicrës.

Ylli shqiptar zhvilloi edicionin e tij më të mirë në karrierë, duke shënuar 18 gola dhe duke dhënë 21 asistime.

Kjo e arritur e bën atë lojtarin më të vlerësuar në formacionin e vitit të krijuar nga SofaScore, transmeton albinfo.ch.

Kapiteni i Baselit vlerësohet me notën 8.0, ndërsa asnjë lojtar nuk ka arritur ta rivalizojë.

Ai po ashtu ka krijuar 31 shanse të arta për gol, ndërsa ka 3.4 pasime kyçe për ndeshje.

Një tjetër statistikë e jashtëzakonshme është se ai ka arritur së paku 2.2 gjuajtje për ndeshje.

 

---