Fillon shitja e biletave për dy ndeshjet e qershorit të Kosovës

@FFK

Federata e Futbollit e Kosovës ka njoftuar se ka filluar shitja e biletave për dy ndeshjet miqësore të muajit qershor, ku Kombëtarja e Kosovës do të përballet me Armeninë dhe Komoret në stadiumin “Fadil Vokrri” në Prishtinë.

Ndeshja e parë do të zhvillohet më 6 qershor 2025, në ora 19:00, ndaj Armenisë, ndërsa tri ditë më vonë, më 9 qershor, po ashtu nga ora 19:00, Kosova do të luajë kundër Komoreve, transmeton albinfo.ch.

Biletat për të dy ndeshjet mund të blihen online përmes platformës eBileta, në këtë adresë:
🔗 https://eu.ebileta.al/biglietteria/listaEventiPub.do
Në faqe, përdoruesit duhet të zgjedhin ndeshjen përkatëse në anën e majtë të ekranit.

Çmimet e biletave janë si më poshtë:

• Tribuna Veri dhe Jug – 5 euro
• Tribuna Lindje – 10 euro
• Tribuna Perëndim – 20 euro
• VIP – 80 euro

FFK ka ftuar të gjithë tifozët që të jenë pjesë e këtyre dy ndeshjeve dhe të përkrahin ekipin kombëtar në stadium, transmeton albinfo.ch.