Mira Murati, krijuesja e Chat Gbt, Open AI dhe Thinking Machines Lab, peshon 5 milionë dollarë

Shqiptarja në prag të një revolucioni të ri në intelegjencën artificiale

Shqiptarja nga Vlora, Mira Murati qe krijoi aplikacionin CHATGPT dhe ndryshoi botën, tani peshon 5 milionë dollarë, transmeton albinfo.ch.

Mira Murati, pas punës në ChatGbt dhe Open AI, ka themeluar një kompani misterioze, Thinking Machines Lab.

Murati po përpiqet të sigurojë mbi 100 milionë dollarë financim për startup-in e saj, megjithëse kjo shumë ende nuk është finalizuar.

Murati u largua nga Shqipëria në moshën 16-vjeçare për të studiuar në Kanada dhe më pas u diplomua për inxhinieri në Kolegjin Dartmouth në SHBA. Ajo e filloi karrierën e saj në Tesla, në zhvillimin e Model X, dhe në vitin 2018 u transferua në OpenAI

Mira Murati, e lindur më 16 dhjetor 1988 në Vlorë të Shqipërisë, konsiderohet si një nga femrat më të fuqishme në botën e teknologjisë. Si ish-zyrtare kryesore e teknologjisë e OpenAI, ajo ishte një figurë kyçe në zhvillimin e mjeteve më të famshme të AI sot: ChatGPT, DALL-E dhe GPT-4.

Sot, pasuria e saj vlerësohet në 5 milionë dollarë, dhe startup-i i saj i ri tashmë vlen 9 miliardë dollarë.

---