Valon Behrami kthehet në Angli në rolin e drejtorit sportiv

40-vjeçari do të jetë drejtor i ri sportiv i Watfordit

Pas tetë vjetësh, rrugët e Valon Behramit dhe Watfordit do të kryqëzohen sërish, përcjell albinfo.ch.

Ai nuk do të jetë në Premier League, siç ishte në kohën si lojtar, por në Championship.

40-vjeçari do të jetë drejtor i ri sportiv i Watfordit, ka raportuar gazetari italian ¡ “DAZN”, Horace Accomando.

Siç është bërë e ditur, bisedimet janë drejt perfundimit.

Klubi anglez perfundoi sezonin në një pozitë zhgënjyese. Perfundoi në pozitën e 14-të, ndersa për herë të fundit në Premier League ishte në edicionin 2021/2022.

Për ish-mesfushorin e Zvicrës, do të ishte roli i parë si drejtues që nga pensionimi i tij nga futbolli aktiv në verën e vitit 2022.

Behrami ka bërë karrierë te madhe si futbollist.

Për Watfordin luajti nga viti 2015 deri në vitin 2017. Ka luajtur edhe për klube te ndryshme në Itali, Gjermani dhe Zvicër./Albinfo.ch

---