A do të largohet Xhaka nga Leverkusen?

Në dy sezone te Leverkusen, Granit Xhaka ka dhënë kontribut të çmuar, duke fituar titullin në vitin e parë

E ardhmja e Granit Xhakës te Leverkusen është në dyshim.

Pas dy sezonesh te skuadra gjermane, mesfushori shqiptar mund të ndërrojë mjedis.

Së fundmi janë shtuar zërat për një largim të mundshëm, duke pasur parasysh edhe faktin që trajneri Xabi Alonso ka kaluar te Real Madrid.

Hipotezën e një “divorci” të mundshëm e ka hedhur së fundmi Blick. Në dy sezone te Leverkusen, Granit Xhaka ka dhënë kontribut të çmuar, duke fituar titullin në vitin e parë.

Destinacionet e mundshme për lojtarin janë të shumta, teksa pëlqehet nga disa skuadra.

Xhaka, pavarësisht një kontrate që zgjat deri në vitin 2028, po shqyrton alternativat për të ardhmen.

Së fundi bëri bujë deklarata e tij se “njëri Xhakë po largohet dhe një tjetër Xhakë do të vijë”, gjatë pensionimit të vëllait të tij, Taulantit, në Basel, por nuk është konfirmuar nëse do të rikthehet te kampionët e Zvicrës.

Gjithashtu, disa skuadra turke janë të interesuara për mesfushorin shqiptar.

---