Tragjedia në Graz: Katër të plagosur ende në kujdes intensiv

Pas të shtënave tragjike në një shkollë në Graz, gjashtë të plagosur, të moshës 15 deri në 26 vjeç, mbeten të shtruar në Spitalin Universitar LKH. Katër prej tyre janë ende në njësinë e kujdesit intensiv, ndërsa dy të tjerë janë transferuar në repartin e përgjithshëm. Një pacient, i cili deri të martën ishte në gjendje kritike, tani është në një gjendje më të qëndrueshme, shkruan Krone, transmeton albinfo.ch.

Ndërkohë, një tjetër person i plagosur po trajtohet në Spitalin Rajonal Graz II/West. Pavarësisht përmirësimit të gjendjes së tij, ai mbetet ende në kujdes intensiv. Të gjithë pacientët e trajtuar në Spitalin Universitar të Grazit janë në gjendje të qëndrueshme.

Në përgjigje të kësaj tragjedie, Kryqi i Kuq ka bërë thirrje për dhurime gjaku, duke regjistruar një fluks të madh solidariteti nga qytetarët. Deri vonë natën e së mërkurës, janë mbledhur rreth 600 njësi gjaku, një mbështetje jetike për viktimat e plagosura dhe pacientët në nevojë, transmeton albinfo.ch.