Tare fillon punën te Milani, dëshiron Xhakën, Brojën dhe Gjimshitin

Shqiptarët e tjerë në radarët e Milanit përveç Gjimshitit janë edhe sulmuesi Armando Broja dhe mesfushori Granit Xhaka

Emërimi i Igli Tares te Milani pritet të sjellë shumë ndryshime në klubin kuqezi.

Në listën e përforcimeve të mundshme janë Berat Gjimshiti dhe Niklas Sule i Dortmund. Kuqeziu e njeh Serie A, garanton eksperiencë dhe për më tepër çmim të përballueshëm, sepse ka vetëm një vit kontratë me Atalantën.

Shqiptarët e tjerë në radarët e Milanit përveç Gjimshitit janë edhe sulmuesi Armando Broja dhe mesfushori Granit Xhaka, transmeton albinfo.ch.

Broja duhet të gjejë një skuadër të re, sepse pas huazimit te Everton tashmë është jashtë planeve të Chelsea. 23-vjeçari shihet si alternativë shumë e mirë e Jimenez në sulmin e Milanit.

Për mesfushën, Tare dhe Allegri janë dakord që Xhaka do të ishte një përforcim i shkëlqyer. Ylli i Bayer Leverkusen përfaqëson profil me eksperiencë dhe lidership, karakteristika që e bëjnë tejet të rëndësishëm për projektin e klubit.

---