Rrotacion i papritur: Jashari mund të zëvendësojë Xhakën në Leverkusen

Brugge kërkon 35 milionë euro për Jasharin. Xhaka pritet të transferohet për rreth 15 milionë euro te Milani

Mediat e huaja kanë raportuar se Granit Xhaka do të kalojë te Milani, ku drejtor sportiv është emëruar Igli Tare.

Milani thuajse ka siguruar shërbimet e legjendës kroate, Luka Modriq.

Sipas “Blick”, gjasat që të transferohen edhe Xhaka e edhe Jashari nuk janë shumë të mëdha për shkak të kostos së lartë.

Gazeta zvicerane ka shkruar se nëse Xhaka transferohet te Milani, atëherë në vend të tij Bayer Leverkuseni mund ta angazhojë Ardon Jasharin nga Club Brugge, transmeton albinfo.ch.

Brugge kërkon 35 milionë euro për Jasharin. Xhaka pritet të transferohet për rreth 15 milionë euro te Milani.

Edhe pa e shitur Xhakën, Leverkuseni ka mjaftueshëm para për ta transferuar Jasharin. Plot 140 milionë euro i përfitoi nga shitja e Florian Wirtzit te Liverpooli.

Ardon Jashari kërkohet nga shumë skuadra evropiane.

---