Osmani takohet me Torres, shpreh mirënjohje për mbështetjen e tij ndaj Kosovës

Gjatë qëndrimit në Shtetet e Bashkuara të Amerikës, presidentja e Kosovës, Vjosa Osmani ka takuar kongresistin Ritchie Torres, përcjell albinfo.ch.

Përmes një postimi në Facebook, Osmani tha se është mirënjohëse për përkushtimin e Torres në mbështetje të Kosovës dhe për kontributin e vazhdueshëm në forcimin e partneritetit tonë strategjik me Shtetet e Bashkuara të Amerikës.

“Gjithnjë kënaqësi të takohem me Kongresistin Ritchie Torres, kësaj radhe në New York.

 Mirënjohës për përkushtimin e tij të palëkundur në mbështetje të Republikës së Kosovës dhe për kontributin e vazhdueshëm në forcimin e partneritetit tonë strategjik me Shtetet e Bashkuara të Amerikës”, ka shkruar Osmani.