Autorja shqiptare që jeton në Kanada, promovoi librin e saj në Kosovë

Autorja nga diaspora, Shkëndije Ibishi Shala, ka paralajmëruar promovimin e librit të saj “Flaka ndriçon për Atdheun”, përcjell albinfo.ch.

Më 14 korrik 2025, pikërisht në ambientet e Institutit Albanologjik të Prishtinës. Ajo thekson: “Kur një artist hyn në epokën e kreativitetit të tij, mjafton një fjali, një koment apo një figurë për të ndezur frymëzimin për një vepër të re. Pikërisht kështu ka lindur libri ‘Flaka ndriçon për Atdheun’.”

Ajo fton anëtarët e komunitetit shqiptar në Kanada t’i bashkohen kësaj ngjarjeje të veçantë që përfshin tregime frymëzuese, aktivitete ngjyrosjeje për fëmijë si dhe diskutime domethënëse mbi librin dhe mesazhet e tij.

Në “Flaka ndriçon për Atdheun”, autorja na çon në një rrugëtim të bukur dhe plot emocion, ku përshkruan mënyrën se si ajo i arrin qëllimet e saj dhe si ne mund të përvetësojmë vlerat, madhështinë dhe virtytet e heronjve e heroinave shqiptare.

Shkëndije Ibishi Shala është një aktiviste shqiptare që jeton dhe vepron në Kanada, si dhe autore e disa librave për fëmijë të botuar vitet e fundit në gjuhën angleze dhe shqipe.