Rekord: 115 547 pasagjerë në një ditë në Aeroportin e Cyrihut

(KEYSTONE/Ennio Leanza)

Në korrik 2025, Aeroporti i Cyrihut ka shënuar rekord historik si për nga numri përgjatë tërë muajit, po ashtu edhe për një ditë të vetme të pasagjerëve, shkruan albinfo.ch.

3 256 328 pasagjerë kanë kaluar nëpër Aeroport e Cyrihut gjatë korrikut 2025,  numri më i lartë ndonjëherë në historinë e këtij aeroporti.

Bëhet fjalë për një rritje prej +4,8 % krahasuar me korrikun e vitit të kaluar.

Rekordi për një ditë

Më 28 korrik 2025 janë regjistruar 115 547 pasagjerë në një ditë,  duke thyer rekordin e mëparshëm nga viti 2019 me rreth 500 pasagjerë më shumë.

 Struktura e pasagjerëve në korrik 2025

2 374 526 pasagjerë lokalë (nisje ose mbërritje direkte).

876 200 pasagjerë transit (udhëtarë që ndërruan fluturimin).

Rritja më e madhe u shënua te pasagjerët lokalë: +6,2 % krahasuar me një vit më parë.

Ky trend i rritjes tregon një kërkesë të shtuar për udhëtime dhe një rikthim të fortë të lëvizshmërisë ajrore pas viteve të pandemisë, duke e vendosur Aeroportin e Cyrihut në një periudhë historike të zhvillimit të tij.