Fabrizio Romano: Edon Zhegrova, lojtari më i ri i Juventusit

Keystone (AP Photo/Matthieu Mirville)

Sulmuesi nga Kosova, Edon Zhegrova po raportohet se mund të jetë futbollisti më i ri i Juventusit.

Gazetari i njohur, Fabrizio Romano përmes një njoftimi në rrjetet e tij sociale ka njoftuar se Lille ka pranuar një paketë financiare rreth 20 milionë eurosh, me Zhegrovën që tashmë ishte pajtuar sa i përket kushteve personale, transmeton albinfo.ch.

Në anën tjetër, raportohet se Zhegrova kishte arritur marrëveshje sa i përket kushteve personale edhe me Marseille, por Lille kishte refuzuar që ta shesë atë tek një rival direkt në kampionat.

Zhegrova pritet që niset sot drejt Italisë, para se t’i nënshtrohet testeve mjekësore tek klubi i ri.