Lozana mund të fillojë të punësojë shtetas të huaj për forcën e saj policore

(KEYSTONE/Christian Beutler)

Deri më tani, vetëm shtetasit zviceranë mund të bëheshin oficerë policie në Lozanë – si në shumicën e qyteteve dhe kantoneve të tjera – por kjo mund të ndryshojë së shpejti.

Komuna po shqyrton rekrutimin e mbajtësve të lejes C sepse, sipas gazetës lokale, 24 Heures, “përqindja e të huajve në popullsinë e Lozanës arrin në 42 përqind, por forca policore në këtë rajon mbetet relativisht e padiversifikuar”.

Ky veprim vjen menjëherë pasi disa nga policët e Lozanës u akuzuan për racizëm pas trazirave të dhunshme që shpërthyen në kryeqytetin e Vaud në gusht. /Albinfo.ch