László Krasznahorkai fitues i “Nobelit” për letërsi

Shkrimtari hungarez László Krasznahorkai është shpallur fitues i Çmimit Nobel për Letërsi “për veprën e tij të fuqishme dhe vizionare, e cila, në mes të tmerrit apokaliptik, riafirmon fuqinë e artit”.

I lindur në Gyula, Hungari, në vitin 1954, Krasznahorkai u bë i njohur me romanin debutues “Sátántangó” (1985) – një portret i zymtë i një komuniteti rural në rrëzim, që më vonë fitoi çmimin “Best Translated Book” në vitin 2013. Romani u përshtat në një film shtatëorësh nga regjisori Béla Tarr, bashkëpunëtor i tij i afërt.

I përshkruar shpesh si postmodernist, Krasznahorkai njihet për fjalitë e gjata, temat distopike dhe melankolike, si dhe intensitetin që e ka bërë të krahasohet me Gogolin, Melville-in dhe Kafkën.

Pas largimit nga Hungaria në vitin 1987, ai gjeti frymëzim në Azinë Lindore dhe udhëtoi nëpër Evropë e SHBA, ku bashkëpunoi me Allen Ginsbergun gjatë shkrimit të romanit “War and War”.

Krasznahorkai është vlerësuar nga figura të mëdha si Susan Sontag dhe W.G. Sebald, ndërsa në vitin 2015 u bë shkrimtari i parë hungarez që fitoi çmimin ndërkombëtar “Man Booker”.