Shtatë shtetas të Shqipërisë arrestohen në Kosovë, dyshohen për drogë”

Arrestohen shtatë shtetas të Shqipërisë për posedim të substancave narkotike

Shtatë persona janë arrestuar mesditën e të shtunës pas një aksioni në fshatin Shtedim të Podujevës, përcjell albinfo.ch.

Policia ka siguruar informacione për një lokacion që dyshohej se ushtrohej veprimtari e paligjshme me substanca nartkotike.

Të arrestuarit janë shtetas të Shqipërisë.

“Në vendngjarje përveç një sasie të konsiderueshme të substancave narkotike, është gjetur edhe aparaturë e përshtatur për tharjen e bimëve narkotike. Në asistim të njësisë së hetimeve kanë marrë pjesë edhe njësitë intervenuese, ndërkohë që pas arrestimit të personave të dyshuar në vendngjarje janë ftuar edhe zyrtarët nga njësiti antidrogë, në koordinim me të cilët do të ndërmerren veprimet e mëtejme”, njoftoi Policia e Kosovës.

---