Begaj për fitoren e Kosovës ndaj Suedisë: Krenarë për djemtë tanë

Begaj uron Kosovën pas fitores historike ndaj Suedisë: Djemtë tanë na bëjnë krenarë

Presidenti i Shqipërisë, Bajram Begaj, iu bashkua gëzimit të madh pas fitores historike të Kosovës ndaj Suedisë, përcjell albinfo.ch.

Përmes një postimi në Facebook, Begaj përgëzoi ekipin “dardan”, duke theksuar se lojtarët e Kosovës i bënë të gjithë krenarë:

“Urime ekipit të Kosovës për fitoren ndaj Suedisë! Djemtë tanë na bëjnë krenarë. Përpara shqipe!”

Kosova triumfoi të hënën mbrëma në Goteborg me rezultat 1:0, falë golit të shënuar nga Fisnik Asllani, duke bërë një hap të rëndësishëm në garën për Kupën e Botës 2026.

---