Austria mbështet të rinjtë në Kosovë për të fituar shkathtësi të mësime

Agjencia Austriake për Zhvillim dhe MPJ e Austrisë mbështesin projektet rinore në Kosovë

Në qytetin e Prizrenit, u zhvillua një vizitë në organizatën joqeveritare “THY”, ku morën pjesë përfaqësues të Agjencisë Austriake për Zhvillim (ADA) dhe të Ministrisë së Punëve të Jashtme të Austrisë, transmeton albinfo.ch.

Qëllimi i vizitës ishte të shihej nga afër se si mbështetja e Austrisë po ndikon në fuqizimin e të rinjve në Kosovë, duke u mundësuar atyre të fitojnë shkathtësi bashkëkohore, të zhvillojnë projekte inovative dhe të përfshihen në mënyrë aktive në proceset vendimmarrëse.

Përmes këtij bashkëpunimi, të rinjtë po pajisen me njohuri praktike që i ndihmojnë të jenë më të përgatitur për tregun e punës dhe të kontribuojnë në zhvillimin e komuniteteve të tyre.

Kjo nismë përkon me moton udhëheqëse “Për çdo fëmijë, mundësi”, duke theksuar rëndësinë e krijimit të hapësirave të barabarta për zhvillimin dhe pjesëmarrjen e çdo të riu në shoqëri.

https://www.facebook.com/share/p/1Ak8k2KUCN/?mibextid=wwXIfr

---