Arrestohet i dyshuari për vrasjen e dy vëllezërve në Malishevë

Arrestohet i dyshuari për vrasjen e dyfishtë në Malishevë

Policia ka dhënë detaje lidhur me arrestimin e të dyshuarit për vrasjen e dy vëllezërve të enjten në Malishevë, përcjell albinfo.ch.

Sipas njoftimit i dyshuari është arrestuar  sot.

“Sot, më datë 07.11.2025, rreth orës 06:25, në fshatin Pllaqicë, është arritur të arrestohet personi i dyshuar A. I. (1983), mashkull kosovar. Pas arrestimit, të dyshuarit i është ofruar trajtim mjekësor, pasi i njëjti ka pasur plagë që dyshohet të jetë shkaktuar nga arma e zjarrit. Ai është dërguar për trajtim të vazhduar mjekësor. Hetimet lidhur me rastin janë në zhvillim e sipër dhe po udhëhiqen në koordinim të plotë me Prokurorin e Shtetit.”, thuhet ndër tjerash në njoftimin e policisë.

Prokuroria Themelore në Gjakovë ka njoftuar se lidhur me rastin e vrasjes së dyfishtë të ndodhur në fshatin Golluboc, Komuna e Malishevës, është arrestuar personi i dyshuar A.I., i cili më parë kishte qenë në arrati.

Sipas Prokurorisë, lidhur me rastin, Policia e Kosovës, në koordinim të plotë me Prokurorin e Shtetit, është duke ndërmarrë të gjitha veprimet e nevojshme.

---