Arrestohet një 31-vjeçar në Aeroportin “Adem Jashari” për këtë arsye

Foto: Aeroporti i Prishtinës

Një person i shpallur në kërkim nga autoritetet gjyqësore është arrestuar pasditen e së enjtes në ANP “Adem Jashari”, pasi ka rezultuar në Stop List gjatë kontrollit të rregullt kufitar, përcjell albinfo.ch.

Ngjarja është regjistruar më 13 nëntor 2025, rreth orës 16:20, kur personi Sylejman Hajdini, rreth 31-vjeçar ka rënë në sinjalizim me urdhërarrest aktiv, lëshuar nga Gjykata e Prishtinës.

Menjëherë pas konstatimit, njësia policore ka ndërhyrë dhe ka shoqëruar të dyshuarin, ndërsa zyrtari policor ka kontaktuar gjykatësen e lëndës, e cila ka konfirmuar vlefshmërinë e urdhërarrestimit dhe ka autorizuar ndalimin e tij.

Sipas vendimit të gjykatëses, Hajdini është dërguar në Qendrën e Mbajtjes, ku do të qëndrojë deri sot, kur pritet të sillet nga policia përpara Gjykatës kompetente për procedurat e mëtejshme.

Rasti po trajtohet nga autoritetet policore dhe gjyqësore.