AAK nuk ka votë për Glauk Konjufcën

Zëdhënësi i Aleancës për Ardhmërinë e Kosovës, Kushtrim Xhemaili, ka njoftuar se në mbledhjen e kryesisë së partisë është vendosur që “rrugëdalja e vetme nga situata aktuale në vend janë zgjedhjet e parakohshme parlamentare”.

Xhemaili deklaroi se të gjitha idetë dhe propozimet alternative duhej të paraqiteshin fillimisht brenda strukturave të partisë, dhe se kjo vlen edhe për Besnik Krasniqin, i cili ka munguar në mbledhjen e Kryesisë, transmeton albinfo.ch.

Tutje, ai po ashtu ka sqaruar se nuk ka asnjë mundësi për koalicion me Vetëvendosjen, si dhe se AAK-ja nuk do të japë votë për Glauk Konjufcën apo për askënd tjetër nga radhët e VV-së.