Kosova shkëlqen si mysafire dhe siguron play-off-in

Ka përfunduar ndeshja nëmes të Sllovenisë dhe Kosovës në Lubjanë, me fitoren bindëse të mysafirëve 0 me 2. Me këtë fitore, kombëtarja e Kosovës ka siguruar pjesëmarrjen në playoff  të Kampionatit Botëror që mbahet në vitin 2026.

Me këtë triumf, Dardanët arrijnë në kuotën e 10 pikëve, duke siguruar matematikisht play-offin, ndërsa grupi kryesohet nga Zvicra me 13 pikë. Sllovenia mbetet në kuotën e 3 pikëve, ndërsa Suedia mbyll renditjen me vetëm 1 pikë.

Ndeshja nisi në mënyrën më të mirë të mundshme për Kosovën. Vetëm në minutën e 6-të, një pasim fantastik në thellësi nga Mërgim Vojvoda që i shpëtoi plotësisht mbrojtjen sllovene, gjeti të lirë Fisnik Asllanin, i cili me qetësi e dërgoi topin në cepin e poshtëm të portës për rezultatin 0-1.