Avdullahu paralajmëron Zvicrën para ndeshjes në Prishtinë

Kemi forcë me arrit në Botëror, është e vështirë. Kemi me ia tregu na krejt Kosova, Zvicrës se sa jena të fortë”, tha Leon Avdullahu

Mesfushori i Kosovës, Leon Avdullahu ka folur pas arritjes historike së play-offit të Botërorit të vitit 2026.

Ai ka thënë se kjo është një arritje e madhe, teksa ka një mesazh për Zvicrën.

“Një arritje shumë e madhe, historike, hala nuk kemi arritur ku duam me arrit. Kemi forcë me arrit në Botëror, është e vështirë. Kemi me ia tregu na krejt Kosova, Zvicrës se sa jena të fortë”, tha ai fillimisht.

Tutje, ai iu kundërpërgjigj deklaratës së Granit Xhakës, i cili tha se Avdullahu e Hajdari nuk do të kishin vend te Zvicra. “I uroj vetëm suksese atij, s’kam kurrfarë deklarate ndaj tij”, përfundoi Avdullahu.

Avdullahu e la Zvicrën për Kosovën në muajin shtator.

---