Futbollisti zviceran komentoi fishkëllimat ndaj Xhakës e Andi Zeqirit

“Ai u brohorit, pastaj u fishkëllye dhe u brohorit përsëri. Mendoj se kjo është normale në futboll”

Mbrojtësi i Zvicrës, Manuel Akanji, është pyetur po ashtu pas ndeshjes për fishkëllimat e shikuesve në drejtim të Granit Xhakës dhe Zeqirit, përcjell albinfo.ch.

“Ai u brohorit, pastaj u fishkëllye dhe u brohorit përsëri. Mendoj se kjo është normale në futboll dhe mendoj se Andit iu desh ta dëgjonte edhe më shumë. Megjithatë, të dyve u pëlqen të jenë në fushë”, tha Manuel Akanji pas ndeshjes.

Zeqiri 26-vjeçar, u fishkëllye pasi pesë vjet më parë pozoi me kryetarin e Federatës së Futbollit të Kosovës, Agim Ademi, me fanellë të Kosovës, përpara se të zgjidhte përfundimisht të përfaqësonte Zvicrën.

---