Drita mposht Shkëndijën në “Fadil Vokrri”, Manaj heroi i sfidës

Drita shënoi një fitore të rëndësishme ndaj Shkëndijës së Tetovës në ndeshjen e zhvilluar në stadiumin “Fadil Vokrri” në Prishtinë, pjesë e Ligës së Konferencës.

Goli vendimtar i takimit u realizua nga Arb Manaj në minutën e 21-të, duke siguruar tre pikët për skuadrën gjilanase.

Atmosfera ishte e jashtëzakonshme gjatë gjithë ndeshjes. Rreth 15 autobusë me tifozët e Shkëndijës, të njohur si “Ballistët”, udhëtuan nga Tetova për ta mbështetur ekipin e tyre, ndërsa “Intelektualët”, tifozët e Dritës, sollën një koreografi mahnitëse në tribunat vendase.

Të dy grupet e tifozëve nuk ndaluan së kënduari dhe së kërceuari gjatë gjithë ndeshjes, duke kthyer sfidën në një festë të vërtetë shqiptare. Para fillimit të takimit, lojtarët dhe tifozët e të dy ekipeve kënduan himnin kombëtar shqiptar, duke krijuar një moment të veçantë uniteti dhe emocioni.

Ndeshja ishte e karakterizuar nga ritëm i lartë, duele të forta dhe energji e madhe, por Drita tregoi më shumë kontroll në momentet kyçe të lojës.

Me këtë fitore, Drita ngjitet në vendin e 8-të në renditjen e Ligës së Konferencës, ndërsa Shkëndija zbret në pozitën e 25-të.