120 mijë letra origami për flamurin shqiptar: Arbnora drejt rekordit botëror

Arbnora Fejza Idrizi drejt një rekordi të ri “Guinness” me mozaikun gjigant origami të flamurit shqiptar

rtistja shqiptare Arbnora Fejza Idrizi po përgatitet të shënojë një tjetër arritje të rëndësishme në artin e mozaikut, duke realizuar fotografinë gjigante të flamurit kombëtar shqiptar përmes mozaikut më të madh origami në botë. Vepra përbëhet nga rreth 120.000 letra të palosura në formën e piramidave, një proces që ka kërkuar durim, saktësi dhe mjeshtëri të lartë, përcjell albinfo.ch.

Mozaiku mbulon një sipërfaqe prej 1300 metrash katrorë, duke e bërë atë një nga instalacionet më mbresëlënëse artistike të këtij lloji. Përmes kësaj vepre monumentale, artistja synon të theksojë simbolikën e flamurit shqiptar dhe të shfaqë fuqinë e artit si mjet inovacioni dhe bashkimi kulturor.

Arbnora pritet të regjistrojë këtë punim si rekordin e saj të radhës në “Guinness World Records”, duke e shpallur mozaikun origami të flamurit shqiptar si më të madhin në botë. Ky do të jetë rekordi i dytë për artisten, e cila tashmë figuron në librin e rekordeve me mozaikun më të madh origami kushtuar flamurit të Kosovës.

---