Jashari: Milani, ëndrra ime e bërë realitet

Jashari: Allegri na jep besim, Champions objektivi i Milanit

Mesfushori i Milanit, Ardon Jashari, ka folur për raportin me trajnerin Massimiliano Allegri dhe për ambiciet e skuadrës kuqezi. Në një intervistë për La Gazzetta dello Sport, ai thekson rolin kyç të Allegrit në ecurinë e ekipit, transmeton albinfo.ch.

“Ai është gjithmonë pranë nesh, u jep besim individëve dhe gjithë dhomës së zhveshjes. Për sukseset tona është thelbësor. Nga një trajner si ai mund të mësoj shumë,” është shprehur Jashari.

Sipas tij, lidhja me Allegrin lidhet edhe me faktin se trajneri ka luajtur më parë në një rol të ngjashëm në fushë, çka e bën komunikimin edhe më të lehtë.

Jashari tregon se kalimi te Milani ishte realizimi i një ëndrre të madhe: “Club Brugge kishte shumë kontakte me klube të tjera, por unë i kisha idetë e qarta dhe e shihja veten vetëm këtu.”

Aktualisht, fokusi i tij mbetet te puna në fushë dhe kontributi për ekipin: “Punojmë fort për të siguruar pjesëmarrjen në Champions sezonin e ardhshëm.

---