Aksion i madh anti-korrupsion në Kosovë, disa të arrestuar

Foto ilustrim

Një operacion i gjerë anti-korrupsion po zhvillohet që nga pasditja e sotme në Kosovë, i udhëhequr nga Prokuroria Speciale në bashkëpunim me Policinë e Kosovës dhe Agjencinë Kosovare për Inteligjencë (AKI).

Aksioni ka për qëllim hetimin e dyshimeve për keqpërdorim të detyrës zyrtare dhe përfshirje në korrupsion. Burime brenda organeve të rendit konfirmojnë se disa zyrtarë të dyshuar janë arrestuar deri tani, ndërsa numri i të arrestuarve mund të rritet pasi aksioni vazhdon, raportojnë mediat në Kosovë.

Intervenimi ka nisur rreth orës 16:00 dhe po shtrihet në lokacione të ndryshme, megjithëse institucionet nuk kanë publikuar ende emrat e të arrestuarve apo dikasteret e përfshira.