Votat e diasporës i sigurojnë VV-së edhe një mandat, PDK humb një deputet

Foto: Komisioni Qendror i Zgjedhjeve

Komisioni Qendror i Zgjedhjeve ka përfunduar numërimin e 92 kutive të votimit me postë, rreth 26,500 vota, të cilat tashmë janë përfshirë në rezultatin kumulativ. Këto vota kanë ndihmuar Lëvizjen Vetëvendosje të sigurojë një mandat shtesë, duke e çuar numrin e deputetëve në 57, ndërsa PDK ka humbur një, duke zbritur në 22.

Sipas Eugen Cakollit nga Instituti Demokratik i Kosovës, mandati i 57-të i VV-së është fituar me diferencë minimale, rreth 160 vota më shumë se PDK-ja në nivel kombëtar. Ky rezultat është kryesisht për shkak të performancës së lartë të VV-së në votat me postë (rreth 72%) dhe performancës më të dobët të LDK-së në të njëjtat vota, krahasuar me zgjedhjet e 9 shkurtit, transmeton albinfo.ch.

Ai shton se me rreth 20,000 vota të tjera me postë dhe rreth 10,000 vota me kusht ende për t’u numëruar, ndryshimet në shpërndarjen e mandateve janë të mundshme vetëm nëse këto vota devijojnë ndjeshëm nga trendet aktuale. Nëse jo, shpërndarja pritet të mbetet 57-22-15-6