Presidentja Osmani dorëzon flamurin olimpik për sportistët kosovarë

Kosova në Olimpiadë: Kryeziu dhe Kokaj marrin flamurin nga Presidentja

Presidentja e Republikës së Kosovës, Vjosa Osmani, ua dorëzoi flamurin shtetëror skiatorëve Kiana Kryeziu dhe Drin Kokaj, të cilët do ta përfaqësojnë vendin tonë në Lojërat Olimpike Dimërore Milano Cortina 2026, përcjell albinfo.ch 

Ceremonia u zhvillua në një atmosferë solemne, duke theksuar rëndësinë dhe përgjegjësinë e përfaqësimit të Kosovës në ngjarjen më të madhe sportive në botë. Presidentja Osmani vlerësoi përkushtimin e sportistëve dhe nënvizoi se sporti është një nga mënyrat më të fuqishme për ta prezantuar shtetin me dinjitet në arenën ndërkombëtare.

Kiana Kryeziu dhe Drin Kokaj do të garojnë duke bartur flamurin e Kosovës dhe besimin e qytetarëve, duke shënuar një hap të rëndësishëm për sportin dimëror kosovar.

Kosova u uron atyre suksese dhe përfaqësim dinjitoz në Milano Cortina 2026. /Albinfo.ch 

---