Fillojnë hetimet për manipulimet e votave në Podujevë

Prokuroria Themelore në Prishtinë ka njoftuar se ka nisur hetimin për manipulim të votave në komunën e Podujevës.

Në komunikatën për media bëhet e ditur se Prokuroria ka autorizuar Policinë e Kosovës për grumbullimin dhe mbledhjen e provave lidhur me dyshimet për kryerjen e veprave penale kundër të Drejtave të Votimit.

Gjatë këtij procesi, ekzistojnë dyshime se janë evidentuar parregullsi, përkatësisht mospërputhje në numrin e votave të kandidatëve për deputetë në Kuvendin e Republikës së Kosovës, pas përfundimit të numërimit të votave në komunën e Podujevës, transmeton albinfo.ch.

Ndryshe, dje 34 persona janë ndaluar për 48 orë nga Prokuroria Themelore në Mitrovicë për shkak të dyshimeve se kanë manipuluar me rezultatin zgjedhor.