Agjencia Austriake për Zhvillim mbështet edukimin medial të të rinjve në Kosovë

Të rinjtë në Partesh zhvillojnë shkathtësi të mendimit kritik përmes programit #PONDER

Falë mbështetjes së Agjencisë Austriake për Zhvillim, të rinjtë në Partesh janë duke përfituar nga programi #PONDER, i cili synon zhvillimin e shkathtësive të të menduarit kritik dhe rritjen e ndërgjegjësimit për edukimin medial. Përmes aktiviteteve dhe trajnimeve të ndryshme, pjesëmarrësit po mësojnë të analizojnë informacionin, të vënë në pikëpyetje burimet dhe të krijojnë qasje më të sigurt në përballjen me përmbajtjet mediale, transmeton Albinfo.ch.

Në një kohë kur rrjetet sociale dhe informacioni online ndikojnë gjithnjë e më shumë në formimin e opinioneve, edukimi medial po konsiderohet një ndër mjetet kryesore për fuqizimin e të rinjve. Programi #PONDER synon të ndihmojë pjesëmarrësit të sfidojnë paragjykimet, të dallojnë informacionin e saktë nga dezinformimi dhe të zhvillojnë mendim të pavarur, duke i përgatitur ata për një përfshirje më aktive dhe të vetëdijshme në shoqëri./Albinfo.ch

 

---