Konjufca optimist: Nesër formohet Kuvendi dhe Qeveria

LVV pret Kuvendin dhe Qeverinë e re nesër, thotë Konjufca

Nënkryetari i Lëvizjes Vetëvendosje, Glauk Konjufca, shprehu optimizëm se nesër, përveç se Kuvendi do të konstituohet, do të formohet edhe Qeveria e re, përcjell albinfo.ch.

“Nesër do të bëhet Kuvendi dhe shumë shpresoj që nesër do të bëhet edhe qeveria. Për të tjerat flasim pastaj,” tha ai.

Konjufca gjithashtu theksoi se LVV nuk ka refuzuar kurrë aktgjykimet e Gjykatës Kushtetuese. “Ne kurrë nuk i kemi refuzuar aktgjykimet e Gjykatës Kushtetuese. Deri tash, ato kanë qenë beteja politike, por kur Gjykata ka vendosur si në rastin e vitit 2014, kur tha se shumicën mund ta bëjë vetëm fituesi i zgjedhjeve, ne u tërhoqëm dhe vepruam sipas vendimit të Gjykatës,” shtoi ai. /Albinfo.ch

---