Vetëvendosje i dorëzon Presidentes Osmani propozimin për Kurtin si mandatar të Qeverisë

Keystone (AP Photo/Franc Zhurda)

Deputetja e Lëvizjes VETËVENDOSJE! dhe kryesuesja e Këshillit të Përgjithshëm të saj, Arbërie Nagavci, ka bërë të ditur se i ka dorëzuar Presidentes së Republikës së Kosovës, Vjosa Osmani, propozimin zyrtar për emërimin e Albin Kurtit si mandatar për formimin e Qeverisë së re.

Sipas Nagavcit, ky veprim bazohet në rezultatin e zgjedhjeve të mbajtura më 28 dhjetor 2025 dhe është në përputhje të plotë me dispozitat kushtetuese. Ajo theksoi se Lëvizja VETËVENDOSJE! po vepron me përgjegjësi institucionale në procesin e krijimit të ekzekutivit të ri.

Në një reagim publik në rrjetet sociale, Nagavci falënderoi qytetarët për besimin e dhënë, duke e cilësuar këtë hap si vazhdimësi të mandatit qeverisës. “Faleminderit qytetarëve për besimin. Qeveria Kurti 3”, ka shkruar ajo.