Shfaqet në Vjenë filmi shqiptar „Man of House“

Filmi artistik pasqyron konfliktet e thella njerëzore dhe shoqërore shqiptare

Premiera e filmit “Man of the House” (Burrnesha) me regji të Andamion Muratajt, u mbajt mbrëmë (25 shkurt 2026) në Vjenë, në Urania Kino (Uraniastraße 1, 1010 Vjenë), ndërkohë nga data 27 shkurt, filmi shfaqet me program të rregullt për te gjithë dashamirët e këtij filmi, raporton albinfo.at.

Aktorët kryesorë që luajnë ne këtë film, janë:

Drita Kaba Karaga, Astrit Alihajdaraj, Alesia Ruci, Bislim Mucaj e të tjerë.

Filmi u xhirua në Shqipëri dhe është një bashkëprodhim ndërkombëtar i Shqipërisë, Austrisë, Italisë, Kroacisë, Kosovës dhe Maqedonisë së Veriut.

Ky film sjell një histori prekëse mbi identitetin, dashurinë dhe sakrificën, përmes rrëfimit të Franit, një gruaje që ka zgjedhur të jetojë si burrë, por që përballet me fuqinë e ndjenjave të nënës kur duhet të kujdeset për mbesën e saj, njofton albinfo.at

„Man of House” festoi premierën e tij botërore më 19 gusht 2025, si pjesë e Festivalit të 31-të të Filmit në Sarajevë në Teatrin Kombëtar të Sarajevës si një shfaqje gala në programin garues të festivalit.

---