Skip to content

Komisioni për Integrime Evropiane shqyrton dy marrëveshje me BE-në

Frederic Köberl @internetztube

Sot mbahet mbledhja për dy projektligjet që rregullojnë financimin nga Programi IPA 2017 dhe 2018

Sot, Komisioni për Integrime Evropiane do të mbajë një mbledhje ku do të shqyrtojë amendamentet e dy marrëveshjeve financiare ndërmjet Republikës së Kosovës dhe Bashkimit Evropian, përcjell albinfo.ch.

Në fokus të diskutimit do të jetë Projektligji nr. 10/L-010, që parasheh ratifikimin e “Amendamentit nr. 2 të Marrëveshjes Financiare për Programin IPA 2017, pjesa e parë”.

Po ashtu, Komisioni do të shqyrtojë Projektligjin nr. 10/L-009, i cili ka të bëjë me ratifikimin e “Amendamentit nr. 3 të Marrëveshjes Financiare për Programin IPA 2018”.

Këto amendamente janë pjesë e përpjekjeve të Kosovës për të forcuar bashkëpunimin financiar me Bashkimin Evropian dhe për të siguruar zbatimin e projekteve të programit IPA në vend.