Adelina Paloja performon si soliste në Sallën e Madhe të Universitetit të Muzikës “Fryderyk Chopin” në Varshavë

Sopranoja kosovare do të shoqërohet nga Orkestra Harkore e Filharmonisë së Kosovës në koncertin “Kosova në Tinguj – Sounds of Kosovo”

Sopranoja e njohur Adelina Paloja do të ngjitet në skenën e Sallës së Madhe të Koncerteve të Universitetit të Muzikës “Fryderyk Chopin” në Varshavë, Poloni, sot, më 26 shkurt 2026, në orën 19:00, shkruan albinfo.ch.

Ajo do të performojë si soliste së bashku me Orkestrën Harkore të Filharmonisë së Kosovës, në kuadër të koncertit “Kosova në Tinguj – Sounds of Kosovo”, që synon të promovojë muzikën kosovare para një audience ndërkombëtare.

Ky koncert do të mbahet në një nga sallat më të njohura muzikore në Poloni, duke ofruar një platformë prestigjioze për artistët kosovarë dhe duke lidhur kulturën shqiptare me skenën muzikore ndërkombëtare.

Detaje të ngjarjes:

Data: 26 shkurt 2026

Ora: 19:00

Vendndodhja: Warsaw, Poloni

Ky është një moment i veçantë për muzikën kosovare, duke vënë në pah talentin e sopranores dhe përfaqësimin e kulturës tonë në arenën ndërkombëtare./Albinfo.ch

---