Presidenca mohon t’i jenë ofruar nënshkrimet nga Vetëvendosje

EPA/TOMS KALNINS

Zyra e presidentes Vjosa Osmani ka mohuar deklarimet e kryetares së Grupit Parlamentar të Vetëvendosje, Arbërie Nagavci, se ia kanë ofruar nënshkrimet Osmanit për kandidaturën për presidente.

Këshilltarja e presidentes Vjosa Osmani, Learta Hollaj, në një postim në Facebook, ka thënë se kjo është gënjeshtër.

“Demant. Presidentja Osmani demanton se i janë ofruar nënshkrimet dhe përkrahja nga Lëvizja Vetëvendosje për rizgjedhje si Presidente e Republikës së Kosovës. Kjo është gënjeshtër!”, ka thënë Hollaj.

Për reagimin e këshilltares së Osmanit, u pyet gjatë konferencës Nagavci, por tha se i garanton votat e Lëvizjes Vetëvendosje për Vjosa Osmanin./Albinfo.ch/