Vjenë: Nis regjistrimi i nxënësve për mësimin plotësues në gjuhën shqipe për vitin shkollor 2026/2027

Afati i aplikimit për prindërit shqiptarë në shkollat publike austriake është i hapur deri më 31 mars 2026

Prindërit shqiptarë që jetojnë në Vjena mund të regjistrojnë fëmijët e tyre për mësimin plotësues në gjuhën shqipe në shkollat publike austriake për vitin shkollor 2026/2027, shkruan albinfo.at.

Ky program zhvillohet në kuadër të mësimit të gjuhës amtare (Erstsprachenunterricht) në sistemin arsimor të Austria dhe synon që fëmijët shqiptarë të ruajnë dhe zhvillojnë gjuhën shqipe paralelisht me shkollimin e tyre në gjuhën gjermane.

Afati i regjistrimit për nxënësit është i hapur deri më 31 mars 2026.

Çfarë përfitojnë fëmijët nga ky program?

Përmes këtij programi arsimor, fëmijët kanë mundësinë që:

• të mësojnë dhe të përmirësojnë gjuhën shqipe në të folur dhe në të shkruar

• të njihen më mirë me kulturën dhe traditat shqiptare

• të zhvillojnë aftësi gjuhësore që i ndihmojnë edhe në mësimin e gjuhëve të tjera

Si bëhet regjistrimi?

Prindërit duhet të ndjekin këta hapa:

• të shkarkojnë formularin e regjistrimit (në gjuhën shqipe dhe gjermane)

• të plotësojnë të dhënat e kërkuara

• ta dorëzojnë formularin në shkollën ku mëson fëmija për nënshkrim dhe vulë

• të kontaktojnë mësuesin e gjuhës shqipe për informata shtesë mbi organizimin e mësimit

Formulari i regjistrimit mund të shkarkohet në këtë link:

https://www.sfz-wien.at/images/sfz_img/download/mu/anmeldeformular-mu/Albanisch_Anmeldeformular_Erstsprachenunterricht.pdf

Informata shtesë

Për më shumë informacione rreth organizimit të mësimit dhe shkollave ku zhvillohet mësimi në gjuhën shqipe në Vjenë, prindërit mund të kontaktojnë:

• Shoqata e Mësuesve Shqiptarë “Naim Frashëri” – shmsh-naim.frasheri@gmx.at

• Osman Ademi – osmani42@hotmail.com

• Miradije Berishaj – miradijeberisha@hotmail.com

Organizatorët falënderojnë prindërit për bashkëpunimin dhe mbështetjen në ruajtjen dhe zhvillimin e gjuhës shqipe tek brezat e rinj në diasporë./Albinfo.at

---