Tifozi anglez e bën tatuazh emrin e Xherdan Shaqirit

Futbollisti shqiptar, Xherdan Shaqiri pati një debutim mbresëlënës me ekipin e tij të ri Stoke City i cili në fundjavë u nda me barazim 1-1 kundër Norvich në premier ligën angleze. Tifozi anglez Carl Spruce para transferimit nga Interi, ishte i bindur që përfaqësuesi i kombëtares zvicerane, nuk do t`i bashkohet me klubin të zemrës së tij. Për të dëshmuar këtë, ai kishte vënë bast edhe në internet. Nëse Shaqiri nënshkruan me Stoke, ai do ta bëj emrin e tij tatuazh në fund të barkut.

“Disa muaj më parë u diskutua për kalimin e Shaqirit në klubin tonë. Nuk besoja se një lojtar i kalibrit të tij do të mund ta bindnim që të nënshkruante për ne. E kam shkruar edhe në Facebook. Në qoftë se ne arrijmë ta marrim Shaqirin, unë do ta bëj emrin e tij tatuazh”, ka thënë Spruce, raporton “Blick”, transmeton “albinfo.ch”.

Tani që Xherdan Shaqiri ka nënshkruar kontratën e tij me një shifër prej 18 milion franga që është edhe rekord për klubin e Stoke, edhe Carl Spruce e ka mbajtur premtimin.

Në trupin e tij ai ka shënuar: “Xherdan Shaqiri # 22”. “ I kam treguar gruas sime para se ta bëja, por ajo nuk mundi të ma ndryshoj mendjen. Basti është bast”, ka thënë ai, duke treguar se ky tatuazh atij i ka kushtuar 30 funte (45 franga).

Xherdani në ndeshjen e parë më Stocke luajti gjatë tërë ndeshjes ku arriti edhe të asiston për golin e shënuar nga klubi i ri dhe mori lëvdata nga trajneri dhe mediat angleze.

---