Shqiptarë nga e gjithë bota bashkohen në Tiranë, publikohet agjenda e Samitit IV të Diasporës

Ministri për Evropën dhe Punët e Jashtme, Ferit Hoxha, ka bërë publike agjendën e Samitit IV të Diasporës, i cili do të zhvillohet në Tiranë nga 13 deri më 15 prill 2026.

Përmes një postimi në rrjetin social X, Hoxha theksoi se samiti do të mbledhë shqiptarë nga e gjithë bota, me qëllim të forcimit të lidhjeve me vendin dhe nxitjes së bashkëpunimit konkret mes diasporës dhe Shqipërisë.

Ky edicion mbahet me moton: “Përmes rrënjëve lartësohemi, të bashkuar forcohemi”, dhe përfshin tri ditë aktivitetesh, diskutimesh dhe shkëmbimi ideve, të fokusuar në kthimin e potencialit të diasporës në projekte dhe mundësi konkrete zhvillimi.

Ministri Hoxha vuri në dukje se samiti synon të shërbejë si një platformë lidhëse, që bashkon energjinë dhe përvojën e shqiptarëve jashtë vendit me zhvillimin ekonomik, social dhe kulturor të Shqipërisë.

Agjenda e detajuar e Samitit IV të Diasporës është tashmë publike, dhe të gjithë të interesuarit mund të njohin programin dhe të regjistrohen për të marrë pjesë në këtë ngjarje të rëndësishme kombëtare.

AGJENDA në PDF e mëposhtëm: