Kosova

Më 21 prill, shpallja e aktgjykimit për vrasjen e Liridona Ademajt

E premte, 17 Prill 2026 - 16:20 albinfo.ch

Në seancën gjyqësore në rastin e vrasjes së Liridona Ademajt, sot janë dhënë fjalët përfundimtare.

Gjykata ka caktuar shpalljen e aktgjykimit për 21 prill, në ora 13:30, teksa Prokuroria ka kërkuar dënim maksimal me burgim të përjetshëm për të akuzuarit, duke pretenduar se vrasja është organizuar dhe kryer në mënyrë të planifikuar, transmeton albinfo.ch.

Prokurorja Javorka Perlinçeviq e ka quajtur krim makabër vrasjen e Liridona Ademajt, ndërsa theksoi se vrasja është kryer në prani të fëmijëve, duke shtuar se gjatë këtij shqyrtimi gjyqësor kanë pasur mundësi t’i shohin tri mbrojte të mirëmenduara, gjegjësisht, tre skenarë të ndryshme të një ngjarjeje, të cilat janë dhënë nga tre të akuzuarit.