Ambasadori i Kosovës në Bruksel Agron Bajrami emërohet kryenegociator në dialogun teknik me Serbinë

Ambasador Agron Bajrami

Kryeministri i Republikës së Kosovës, Albin Kurti, ka emëruar ambasadorin Agron Bajrami në pozitën e Kryenegociatorit të Kosovës në dialogun teknik për normalizimin e marrëdhënieve me Serbinë.

Sipas njoftimit zyrtar nga Zyra e Kryeministrit, Kurti e ka uruar Bajramin për detyrën e re dhe i ka dëshiruar suksese në përmbushjen e përgjegjësive të tij, transmeton albinfo.ch.

Agron Bajrami aktualisht mban edhe postin e ambasadorit të Republikës së Kosovës në Mbretërinë e Belgjikës.

Emërimi i tij vjen në kuadër të angazhimeve të Kosovës në procesin e dialogut me Serbinë, i cili synon normalizimin e marrëdhënieve ndërmjet dy vendeve.