Dita vendimtare: Zgjedhja e presidentit ose zgjedhje parlamentare

Sot skadon afati kushtetues për zgjedhjen e presidentit

Kuvendi i Kosovës ka filluar seancën e jashtëzakonshme për zgjedhjen e presidentit të vendit, ndërsa në mesnatë përfundon afati kushtetues për zgjedhjen e shefit të shtetit, përcjell albinfo.ch.

Seanca e së hënës përfundoi pa rezultat, pasi partitë opozitare bojkotuan votimin, duke pamundësuar arritjen e kuorumit të nevojshëm. Opozita e ka cilësuar procesin si shkelje kushtetuese, duke kritikuar nisjen e seancës pa praninë e 80 deputetëve.

Lëvizja Vetëvendosje ka propozuar dy emra të rinj për kandidate për presidente: Feride Rushitin dhe Hatixhe Hoxhën. Ndërkohë, kandidatët e mëparshëm të propozuar më 5 mars, Glauk Konjufca dhe Xhelal Mulhaxha, janë tërhequr nga gara.

Në rundin e parë të votimit, Rushiti mori 63 vota, ndërsa Hoxha nuk mori asnjë votë.

Nëse presidenti nuk zgjidhet deri në mesnatë, vendi do të përballet me zgjedhje të reja parlamentare./Albinfo.ch

---