BE synon ndryshimin e legjislacionit të azilit

Keystone

Në dritën e krizës së madhe të refugjatëve që ka kapluar Evropën, disa nga shtetet kryesore të BE-së po provojnë të ndryshojnë gjërat në legjislacionin e azilit në këtë bashkësi. Kështu, ministrat e jashtëm të Gjermanisë, Francës dhe Italisë, Frank-Walter Steinmeier , Laurent Fabius dhe Paolo Gentilini po kërkojnë vendosjen e rregullave të reja në fushë të azilit.

Sipas tyre, rregullat që tash janë në fuqi në shtetet evropiane janë të vjetëruara. Ato janë vendosur para 25 vitesh dhe për këtë arsye duhet të ripunohen, thuhet në një komunikatë të Ministrisë së Punëve të Jashtme të Italisë. Tre ministrat kërkojnë më tutje një ndarje më të drejtë të refugjatëve në mes të shteteve anëtare të BE-së.

Me këtë rast tre ministrat kanë nënshkruar një dokument të përbashkët mbi çështjen për të cilën janë mbledhur. Ata kanë vendosur që këtë temë ta trajtojnë në takimin e ministrave të jashtëm që mbahet në fundjavën që vjen.