Bizneset kosovare ftohen në “Vienna Economic Forum 2026”

Ministria e Industrisë, Ndërmarrësisë, Tregtisë dhe Inovacionit, përmes Agjencisë për Investime dhe Përkrahjen e Ndërmarrjeve në Kosovë (KIESA), ka hapur thirrjen publike për aplikim për pjesëmarrje në Forumin Ekonomik “Vienna Economic Forum – Meet Kosovo in Vienna 2026”.

Ky forum ka për qëllim promovimin e bizneseve kosovare në tregjet ndërkombëtare, si dhe forcimin e bashkëpunimit ekonomik global. Përmes tij synohet krijimi i mundësive të reja për investime, partneritete dhe zgjerim të rrjeteve biznesore.

Ngjarja organizohet nën patronatin e Kryeministrit të Kosovës, Albin Kurti, dhe Kancelarit Federal të Republikës së Austrisë, Christian Stocker, duke i dhënë forumit rëndësi të veçantë në aspektin diplomatik dhe ekonomik.

Bizneset e interesuara mund të aplikojnë duke plotësuar formularin përkatës dhe duke e dërguar atë në mënyrë elektronike deri më 31 maj 2026, në ora 00:00, në adresën zyrtare të emailit: invest.kiesa@rks-gov.net.

Për më shumë informata, të interesuarit mund të vizitojnë faqen zyrtare të KIESA-s në këtë link:

http://kiesa.rks-gov.net⁠