Kurti uron besimtarët për Kurban Bajramin

Urimi përfshin thirrje për solidaritet, respekt dhe mirësi në shoqëri

Kryeministri në detyrë i Kosovës, Albin Kurti, ka uruar qytetarët me rastin e festës së Kurban Bajramit, duke iu drejtuar besimtarëve myslimanë dhe shqiptarëve kudo që jetojnë, përcjell albinfo.ch.

Në mesazhin e tij, Kurti ka theksuar rëndësinë e vlerave si dashamirësia, zemërgjerësia dhe solidariteti, duke bërë thirrje që ato të udhëheqin jetën e përditshme dhe marrëdhëniet shoqërore.

“Gëzuar festën e Kurban Bajramit besimtarëve myslimanë, qytetarëve tanë, shqiptarëve kudo! Le të udhëhiqemi çdo ditë nga dashamirësia dhe zemërgjerësia, solidariteti dhe respekti… Paçim gjithmonë mirësi, begati e mbarësi”, ka shkruar Kurti në urimin e tij./Albinfo.ch

---