Haradinaj lë të hapur mundësinë për kandidaturë për president

Ramush Haradinaj, Facebook

Ish-kryeministri i Kosovës, Ramush Haradinaj, ka deklaruar se nuk e përjashton mundësinë për të kandiduar për president të vendit, në rast se një propozim i tillë vjen nga partitë opozitare.

Ai tha se, duke marrë parasysh sfidat me të cilat po përballet Kosova, do ta shqyrtonte seriozisht një ofertë të tillë politike.

“Nëse opozita, Aleanca, PDK dhe LDK do të më kandidonin, do ta shqyrtoja mundësinë e kandidaturës nga opozita. Kosova është në sfida të mëdha, prandaj do ta konsideroja nëse opozita më propozon për president në një garë në seancë”, është shprehur Haradinaj për Tëvë1.

Megjithatë, ai ka theksuar se aktualisht nuk është kandidat për postin e presidentit.

Në zgjedhjet e qershorit, vetëm LDK ka dalë me kandidate për presidente, Vjosa Osmanin.