Paga mesatare në Zvicër u rrit në 87 mijë franga në vit

Të dhënat e reja tregojnë rritje të ndjeshme të të ardhurave krahasuar me vitin 2024

Paga mesatare vjetore në Zvicër arriti në 87 mijë franga zvicerane gjatë vitit 2025, duke shënuar një rritje të konsiderueshme krahasuar me 81.500 franga sa ishte një vit më parë.

Sipas analizës së publikuar nga Zyra Federale e Statistikave (FSO), paga mesatare përfaqëson vlerën që ndodhet në mes të të gjitha pagave të renditura nga më e ulëta tek më e larta. Kjo do të thotë se gjysma e punonjësve fitojnë më pak se kjo shumë, ndërsa gjysma tjetër fitojnë më shumë, transmeton albinfo.ch.

Shifra prej 87.000 frangash në vit përfshin si të ardhurat e personave të punësuar me pagë, ashtu edhe të vetëpunësuarve.

Rritja e pagës mesatare pasqyron ndryshimet në tregun zviceran të punës dhe nivelin e të ardhurave gjatë vitit 2025.

---